3.8.17

„Крушевскиот Илинденски Манифест“ не постои како оригинален документ!

Кога сме веќе кај Крушевскиот Манифест, веројатно дека најголем дел од вас не знаат дека НЕ ПОСТОИ никаков оригинален текст на Манифестот, туку тој е пишуван ПО СЕЌАВАЊЕ на Никола Киров Мајски во 1923 година. 

Да, ПО СЕЌАВАЊЕ и во 1923-та година! И ден денес историчарите се спротивставуваат со ставовите дали Манифестот го напишал Мајски или братучедот, Никола Карев? Како и да е, никогаш нема да има ОРИГИНАЛЕН документ. 

А текстот на Манифестот ПРВ ПАТ е објавен во драмата „Илинден“ (со поднаслов: „Слики од великото македонско востание пред 1903 година“) на Никола Киров Мајски во 1923 година. Мајски умира на 2 август 1962 година во Софија и оваа вечна тајна за постоењето на Манифестот останува закопана во неговиот гроб.

Инаку, вистината за постоењето на Манифестот како оригинален документ, ќе остане засекогаш нејасна исто како и целата документација за востанието која на многу чуден начин „исчезнува“. Имено, прадедо ми Петруш (брат на Никола Карев, и дедо на мојата мајка) по наредба на Даме Груев во 1904-та година, ја откопува целата архива од Илинденското востание, ја носи во Софија и му ја предава лично нему и на Борис Сарафов, во присуство секако и на Никола Карев (кој долго време го одлагал пренесувањето на архивата во Софија и бил децидно против предавање на овие важни документи, ним... за што постојат докази од многу извори). Од тој момент, се губи секоја трага на се` што е архивирано и потпишано за Илинденското Востание, лично од Никола Карев како Претседател на Првата Крушевска Република на Балканот. Разочаран од сите пост-илинденски случувања во Софија, Карев со една мала чета тргнува назад кон Македонија, пролетта 1905, за да ја обнови борбата за ослободување. Но, на патот кон дома, е предаден од шпион и убиен во близина на селото Рајчани, кочанско. 

(Дури и низ овие факти секој може лесно да процени кој дел од историјата и ден-денес погрешно и намерно искривено се толкува и пренесува)

Ова колку да знаете, тие што не знаете...а ве има огромен број.