25.7.12

ВЕЧЕРВА ФКБ СТАРТУВАШЕ, НО ПРВИОТ ПОДГОТВИТЕЛЕН ТЕСТ ЧЕКАЈТЕ ГО ЗА 7 ДЕНА

Го очекував натпреварот за да си ја сместам мојата прва анализа сезонава, но да бидам искрен, не очекував дека тоа ќе биде само еден ревијален натпревар во кој нема да има ништо од ФКБарселона која ја очекуваме сезонава. И тогаш сфатив, дека ова е ново планирање на Росељ и Бордот, после тешката сезона и ЕП. 

Вечерва имавме еден мал тест на Тито на кого (2-3 фудбалери) ќе може да смета како помош „за не дај Боже„ од младите, а остатокот поставен „на шведска маса„ за сите менаџери-скаути кои вечерва беа во Хамбург. Од тие причини и се случија комплетни измени на цела екипа во две полувремиња, дури и она враќање на Бартра по повредата на Муниеса, за да се игра 11 против 11, сепак.

Значи, да расчистиме уште на старт, ова не е подготвителен период за ФКБарселона, туку само понуда на нешто што може да донесе пари до крајот на преодниот период. 

Афелај беше ноќва „понуден„ но според покажаното тешко дека ќе може на него да се заработат 6 милиони. 

Можеби само една од алките која покажа добра „ротација„ на двете страни, можен развој во поливалентен фудбалер, иако сега-засега слаба страна му е транзицијата во одбрана (некако споро му оди) е вториот голгетер вечерва, Џерард Деулофеу. Тој може да биде добра „7-мица„ која може и да донесе пари. Веќе се слушна уште веднаш прашањето, дали од утре ќе се анализира и „позајмица за калење во Парис„ или можеби и за целосен откуп, а може и да се чува. 

Бартра е солиден, но ништо повеќе од она што би се очекувало во „прва екипа„ - евентуално ако затреба.

А за останатото и за првиот финален лик на Тито во новата сезона, допрва ќе почекаме. 

Вечерва се заработи од гостувањето во Хамбург, иако неколку стотици илјадарки помалку од „неиграњето на Меси„ (бидејќи и тоа стои како обврска при плаќање за ова гостување).

Првата контролка на Тито може да ја очекувате за една недела, на Каталонскиот Супер Куп против Еспањол и потоа дури против ПСЖ, Сампа итн...  

Ова дотогаш гледајте го само како „понуда за откуп„ и заработка на финансии...

13.6.12

Фудбалска Федерација на Македонија??? СИГУРНИ СТЕ ДЕKА ТРЕБА СЕУШТЕ ДА ГО ИМАТЕ ИМЕТО „МАКЕДОНИЈА„?


Еднаш оставив запис, а сега со вториов само сакам да испратам позитивна енергија до македонските фудбалски репрезентативки кои ќе заминат на двомеч од квалификациите за ЕП Шведска 2013, кога веќе никој во ФФМ не ги есапи...Храбро и со среќа„! Вие можете!


А заслужуваат барем толку, колку да не бидат омаловажени и третирани како да се најнебитната алка во спортскиот сегмент на нашата мала ни мила државичка.


А зошто велам дека се така истретирани?


Е па ајде кажете ми кој збор да го употребам, ако јас вам ви кажам дека девојките, ако и останатите млади машки репрезентативци, сеуште не сте им исплатиле ниту денар од стимулативните суми за играње во македонскиот дрес?


Како да го прифатам фактот дека некој мисли на нив ако ви кажам дека ги пуштаат девојчиња кои се откажуваат од многу работи за да ја промовираат Македонија, на пат од 5 ипол илјади километри низ Европа во автобус, без ноќевање, без пренокишта, од автобус на тренинг и веднаш по натпревар во автобус на втората дестинација, а одмор и спиење, во автобус? 


(а потоа да бараме резултати!?!?...сега кога конечно застанаа на цврсти нозе со новиот тренерски кадар, им се врати ентузијазмот во очите и го профункционираа другарството, заедништвото и желбата за победа, нешто што недостасуваше со претходната гарнитура која мислеше на се` само не на фудбал)


А во меѓувреме, само ќе прашам, каде отидоа парите добиени од УЕФА за женскиот фудбал оваа година?


Дали ги потрошивте на „виртуелното„ наградувањето на најдобрите во Македонија, па отидоа стотици илјади евра?


Дали ги потрошивте на опрема и инфраструктура што бевте „приморани„ да направите распоред од првите 4 натпревари играње дома (поради препораката дека „немате пари„) што е една од најголемите глупости која може да ги произведе „принуден распоред на квалификациски натпревари„?


Дали „лилипутанските заработки„ се принуда да имате образложение од вашите „сервисери„ дека ефтини авио билети нема во толку брз рок, па мора да се оди со автобус? 


(што не е точно, бидејќи и вечерва да сакате да се ангажирате, в четврток имате авио билети од 15-30 евра со полети од Скопје, Солун и Софија до Венеција. Подобро од Венеција до Торино со автобус отколку 1760 километри мачење. А за од Торино до Полска уште полесно и уште поефтино. Од Полска назад има многу солуции, кои се помалку важни „како враќање„, бидејќи одат на натпревари, а не на „апсолвентска екскурзија„. А ако очигледно не се снаоѓате, јавете ми се мене јас ќе ви помогнам. Додуша јас не сум лик од приказните на Џонатан Свифт, но ќе завршам работа и без „Фи„)


Само не знам до кога субјектите ќе ви веруваат?


А верувајте дека веќе не ви ни веруваат.


Само се принудени да молчат, бидејќи сепак се репрезенти на македонскиот спорт.
Бидејќи се воспитани да бидат дисциплинирани и послушни во работата на која и посветуваат се` од сопственото слободно време.
Бидејќи се девојчиња, а со тоа и многу потрпеливи од сите вас во решавањето на проблемите.
Бидејќи ја сакаат оваа земја и секогаш ќе го даваат максимумот на теренот кога се игра за знамето и грбот, а не за пари, за кои вие сте таму каде што сте.


Но, очигледно дека веќе се гледаат трулите даски на патеката по која се движите.


Фасадата е сеуште добра, но темелите попуштаат.


И на крај „ставете си го прстот на умот„ и прашајте се зошто девојките да сакаат да играат за Македонија, за знамето, за грбот, за името, да ја пеат химната и да се радуваат на секој успех, кога Македонија нив не ги сака, ниту ги почитува. Барем така изгледа светот според вашиот континуитет на постапки.


Фудбалска Федерација на Македонија. 
Колку тоа чудно звучи!?


П.С.
Нека не замерат на моите експресии во текстот оние кои се пример за вистински посветени и дисциплинирани работници во истата таа Федерација за која пишувам. А нив ги има сеуште, за среќа...иако малку...сепак...

5.6.12

ЕДЕН КЛУБ СЕ РЕНОВИРА КОМПЛЕТНО И СЕ ПОДГОТВУВА „ДА РАСТУРА„ СЛЕДНАТА СЕЗОНА НИЗ ЕВРОПА!

Еден клуб се подготвува за летно „пазарџиско торнадо„ на фудбалскиот пазар во Европа. Со информациите кои секојдневно ги слушам, читам и гледам, а и со муабетите кои ги водам со дел од спортистите и некои од менаџерите кои се подготвуваат добро да ги „засукаат ракавите„ веќе ја имам и сопствената слика за името на клубот кој сака да направи реновирање „од корен„. 
Пари сен Жермен!
Лавеци е веќе таму.
За Руни понудија 120 милиони евра обештетување.
Кака е на листата на нови желби, а се почесто се „шушка„ дека и Игуаин ќе му се придружи.
Кеита е веќе скоро заминат, на истата локација.
И уште неколку имиња се вртат низ муабетите меѓу кои и Дињо (!? од кои и јас сум изненаден), но за нив ќе чекам уште некоја потврда, за да можам да ги објавам
Како и да е, во клубот се подготвуваат да играат „на големо„.
Очигледно дека ова ќе биде плодно „париско лето„
ПСЖ отвара нова страница во својата биографија. 
Веројатно тоа ќе биде името кое се` почесто ќе го споменуваме во текот на сезоната која следи. 

П.С.

Но, не е само тоа.
Го реновираат својот женски фудбалски клуб. Испратена е понуда до две од најдобрите на Лион и една од Жувиси.Во ракометот исто така ПСЖ вложува милионски суми и веќе преговара со ракометари од Атлетико и Барселона. Абало и Угалде се тема на муабет, а веќе се говори и за „некој„ од Копенхаген како и од Кил. Кои? Ќе чуеме наскоро.

2.6.12

ВЕЧЕРВА ИМ ТРЕБАМЕ НИМ!

Вечерва се надевам дека ќе биде уште една ноќ за паметење на нашите фудбалски надежи. Велам „надежи„ бидејќи навистина тоа и се. „Сениорите„ се одамна „последно дупче на кавалот на Европа„, така што воопшто не ми пречат ниту нивните порази, а ниту пак очекувам дека ќе направат нешто којзнае колку квалитетно. За некоја од големите манифестации во светот на фудбалот и не ни помислувам.Тоа е исто како што НАСА зборува денес за судир на двете галаксии после 4 милиони години. (Џон Тошак е само уште една фудбалска икона која дојде на шалтерот на ФФМ по пари.)
Но, овие млади фудбалери, под водство на Бобан Бабунски имаат прекрасна патека на движење и можност да бидат ПРВАТА ФУДБАЛСКА РЕПРЕЗЕНТАЦИЈА КОЈА ЌЕ ЗАМИНЕ НА ЕП. 
Затоа и со нетрпение треба сите заедно да го очекуваме вечерашниот настап против репрезентацијата на Фарските Острови. Сите заедно пред ТВ, сите заедно со дресовите на нас, исто како што ги гледавме сениорите, исто како што навиваме за нам ни омилените клубови.
Бабунски внесе ред и дисциплина, а што е најважно им го промени ставот за себе, за дресот кој го носат и за се` што носи еден натпревар, од аспект на тактика до аспект на воља, желба и цел. Внесе трпение, внесе победнички дух. А децата го прифатија тоа со задоволство, со игра и со забава. Ентузијазмот повторно доби свое место во македоснкиот фудбал.
Затоа вечерва, а и потоа во натпреварот против Данска, треба да им ја дадеме целосната наша поддршка. 
Овие деца тоа го заслужуваат.
Тоа е новиот лик на следната генерација „сениори„.
Ова е она што ни треба нам, фудбалските симпатизери од Македонија!

Вечерва во 20 часот на стараната на ФФМ со директен пренос!
http://tv.ffm.com.mk/

22.5.12

ЛИГА НА ШАМПИОНИ 2012/13

Според коефициентите кои ги имаат во УЕФА, за следната сезона во ЛШ Челзи, ФКБ, М.Јунајтед, Баерн, Р.Мадрид, Арсенал, Порто и Милан ќе бидат во првиот сад и нема да можат да се сретнат меѓу себе во првата фаза по групи. Оние кои ќе им бидат можни противници, нормално нема да можат да им бидат само ако се од иста асоцијација, ќе се: Валенсија, Бенфика, Шахтјар, Зенит, Шалке и Ман.Сити. А од третиот сад можни противници ќе се: Олимпијакос, Ајакс, Андерлехт и Јувентус и останатите кои низ квалификации ќе обезбедат учество.
А од четвртиот сад ќе излезат како евентуални противници: Галатасарај,  Борусија Дортмунд, Монпеље и данскиот шампион кој директно би влегол во групите (а ако е Копенхаген ќе биде во третата) како и останатите кои ќе обезбедат учество низ квалификации. Некои од тимовите иако се шампиони во сопствените земји имаат многу низок коефициент кој нема да може да ги смести во првиот сад каде се најуспешните. Ова е само претпоставка и мала анализа.Факт е исто така дека низ квалификации се` потешко ќе биде учеството во фазата-групи од земји како што се нашата, со екстремно низок коефициент, за уште помалкуте слободни „квалификациски места„.

КОЈ ГИ НАРАЧУВА ТЕКСТОВИТЕ ВО ДЕЛ ОД „НЕЗАВИСНИТЕ„ СПОРТСКИ МЕДИУМИ?

Премногу негативна енергија, премногу злобни стрели од еден дел на новинарската фела кон настапите селекторот на младите, Бобан Бабунски. Дали е тоа воопшто потребно?
Не мислам да пишувам во одбрана за човекот кој ми е и личен пријател (иако јас знам да искритикувам и во таков случај, кога сметам лично дека тоа е потребно и кога држам таков став, тоа барем им е познато на сите мои пријатели) туку едноставно, искрено верувам токму сега во успехот на единствената фудбалска репрезентација која е веќе подготвена за голем исчекор од досегашното сивило. 
Верувам пред се` во настап на европското првенство.
Бабунски направи големи промени пред се` во свеста на фудбалерите, а и го направи најдобриот „сетап„ досега. 
Тоа што некои сеуште го сместуваат како помошник на Тошак, тоа е заблуда која Бобан уште долго време нема да може да ја „отпише„. Времето ќе покаже дека Тошак одамна (веќе неколку месеци) работи со други асистенти. Некому очигледно не му одговара тоа да го покаже или напише. „Убаво е„ кога се фрлаат стрелите кон тој кој не им е омилен.
Ако беше така како што „некои„ пишуваат, немаше сега Тошак, токму во двата пријателски натпревари да ги земе најдобрите од младата селекција. Ќе ги оставеше да се уиграат уште повеќе пред натпреварот кој носи бодови и кој е одличен како тајминг за дуелите кои значат „патека кон ЕП„. Португалија и А-тимот за мене се одамна надвор од целта. Искрено, не ни верувам во некои од наредните квалификации дека ќе бидеме успешни. 
Нам ни е потребан комплетна „ремонтада„. 
Комплетно подмладување на селекцијата. 
Затоа и можеби треба да се форсираат младите кои еден ден во комплетен состав, како што се сега, ќе бидат А-селекција. Е тогаш можеби ќе можеме да се надеваме на европски или светски исчекор.
Затоа, не ми се јасни написите во кои вирее зло и негативна енергија.
Кому е тоа потребно, сега кога имаме шанса и добро позиционирана патека на движење? Статистиката, а и натпреварите ги гледавме сите...повеќе од јасно е дека на младите им треба поддршка, токму сега, а не кавга и „фингирани написи„. 

21.5.12

ЧЕЛЗИ ШАМПИОН, УЕФА БЕЗ ОЧЕКУВАНИОТ ПРИХОД И СВЕТСКИ ИНТЕРЕС

Честитки за навивачите на Челзи. 
И тие веќе го имаат својот омилен клуб меѓу Великаните на УЕФА.
Но, уште еднаш се потврди фактот дека и покрај тоа што Баерн Минхен беше домаќин и Челзи противник светскиот интерес нема да е на очекуваното ниво. Тоа го потврдуваат и 30%-те отсто вратени влезници и резервирани хотели од страна на „богатите арапи„ дека ќе биде едно полуздодевно финале. Ако не беа продолженијата и пеналите, натпреварот веројатно ќе се заборавеше уште во текот на утринските часови. Ќе останеше само славјето, статистиката и новиот шампион. Вака барем ќе зборуваме за пеналите и ќе честитаме на новиот шампион.
Фактот, што не е срушен рекорд во гледаност, рекорд во откупени ТВ права, во медиумски известувачи и преносители на „живиот пренос„ ја потврдува исто така мојата претходно напишана реченица.
Челзи останува на тронот до следната сезона, а УЕФА ќе пресмета дека дел од заработката можеше да биде уште поголема. Како што можеби и очекуваа...
Најдобрите фудбалери и клубови, со нетрпение ќе се очекуваат дури од август натаму...

19.5.12

ФК БАРСЕЛОНА ВЛЕГУВА ВО КРИТИЧНА ФАЗА, ВО НАЈЛОШ МОМЕНТ

Денес Јохан Кројф отвори уште еден вратичка на „пандорината кутија„ сместена во канцеларијата на Сандро Росељ. Дефинитивно се потврдува и мојата теорија кажана пред некое време дека токму овој претстедател е најлошиот избор што можеше да го одберат гласачите.
Пеп, на самата Прес конференција кога беше соопштено дека тој заминува, дознава дека изборот за негов наследник е Тито Виланова. 
Зошто тоа Росељ го криеше до самиот крај?
Дали тоа беше само панична реакција, со неверувањето дека Пеп е дециден во одлуката?
До кога Росељ ќе го го турка надолу се` она што беше досега постигнато со Лапорта?
Зарем Марк Ингла не беше подобар избор, ако веќе Лапорта мораше да замине?
Очигледно дека во ФКБ деновиве не е баш најсјајно, иако клупскиот ПР не ја претставува така ситуацијата.
Дани Алвеш е на излезна врата.
Абидал е скоро заборавен, па по последната „опомена„ тргнаа Росељ и Зуби да ја исправат ситуацијата.
Пике на продажба?
Кој вертикално од кантерата ќе биде во следната сезона на Камп Ноу?
Се шпекулира со Луиз Суарез, со Бејл?
Кеита сеуште не знае дали да го продолжи договорот или да си ја купи куќата на плажа во Кастељдефелс?
Дали ако некој арап понуди 300 милиони за Меси, Росељ ќе го стави на листа?
Овие прашања се се` погласно поставувани низ градот и не толку јавно презентирани. Но веќе ни Ел Мундо ни СПОРТ нема да можат уште долго да се опираат, прескокнувајќи ги намерно темиве.
Меѓу членството се` е погласно лобито, дека „се згреши со Лапорта„.
Со денешната изјава Кројф само долеа масло на огнот околу Росељ.
А не е многу далеку.
Се` се загуби под неговото претседателствување. И фудбалот ги загуби титулите и дел од останатите спортови. Му остана „футбол сала„ и смешно се билдаше кога го крена трофејот и рече дека овој трофеј доаѓа во вистински момент. Кој „црн момент„, кога до вчера 70% од навивачите не ни знаеја дека ФКБ има тим „футбол сала„. Влезниците се гратис, итн да не напоменувам. Хувенил А ја загубија титулата во последното коло, Барса Б е во проблеми со Оскар Гарсија и неговото ветено назначување, наспроти продолжувањето на договорот на Еузебио.
Но тоа, гласачкото тело го знае. За разлика од останатите. 
Росељ овој месец се` повеќе и повеќе ја губи поддршката.
Дали ќе издржи до следните избори, ќе знаеме во август.
Претпоставките велат, годинава ќе се побараат нови „предвремени избори„ во ФКБ. Е дали ќе успеат, тоа е веќе друго прашање.


Филе/Барселона

ВО КАСТЕЉОН И ПОСЛЕ ЦЕЛА НЕДЕЛА Е ХОРОР, А И ВО ШПАНИЈА ТЕШКО ДЕКА НЕКОЈ ВЕРУВАШЕ ДЕКА ТОА ЌЕ СЕ СЛУЧИ

Во Кастељон сеуште не можат да се помират со фактот дека една од најдобрите „кантери„ во Шпанија се уназадува со суперсонична брзина. Испаѓањето од Првата Лига на Виљареал, повлекува неколку чекори кои допрва ќе бидат пораз за целото раководство на „подморницата„. Таа тоне и тешко дека наскоро ќе има брзо враќање.
Имено, со испаѓањето на Виљареал во поселдните минути од последното коло, испаѓа по автоматизам и Виљареал Б во третата лига. Децата кои цела година одиграа одлично и се најдоа во средишниот дел од табелата во Аделанте Лигата (тоа е втората шпанска фудбалска лига) сега ќе мора да се преселат во третата бидејќи во една иста лига не може да играат две екипи од ист тим (во случајов Виљареал А и Виљареал Б). Е сега тоа вертикално поместување што сите го очекуваа во Б-тимот на Виљареал, ќе го нема во Ла Лига. „Платениците„ кои играа во Виљареал веќе си имаат обезбедено други клубови. Кантерата е „на колена„. Ова е нешто што никој не го посакува и што тешко некој веруваше дека ќе се случи.
Кастељон е во тешко разочарување и клубот, тешко дека во наредните години дека ќе може да застане повторно на цврсти нозе.
Ударот беше премногу ниско.
Во недозволената зона, каде премногу боли и каде ударот остава најголеми последици, меѓу најмладите и носечкиот кадар за квалитетен развој.

Филе/Барселона


СО НОВА ПЛАТФОРМА ВО НОВА СЕЗОНА

Една сезона завршува, следува нова со анализите, коментарите и комуникацијата преку првото место на моите фудбалски средби со остатокот од светот. Ова место на комуникација од денес повторно се враќа „во живот„. . . во нова платформа . . . :-)