25.7.09

ЕКСПЕРИМЕНТИ КОИ НАЈАВУВААТ БОМБАСТИЧЕН СТАРТ!

Стартуваше и европскиот шампион со своите подготвителни натпревари. Против Тотнем, на Вембли, можеби резултатски (1:1) не толку значајно, но она што може да радува е дека Пеп очигледно многу конкретно се подготвува следната сезона да направи екипа која од клупа ќе има форматиран млад кадар кој доаѓа од сопствената кантера.

Ако само го знаете фактот дека Барса низ целиот натпревар ја има контролата на топката, со брзи и кратки додавања низ течно водење преку сите линии, тогаш веќе имате и конкретна слика за тоа. Нешто што сте го гледале преку целата измината година.

Е сега, погледнете ја екипата која настапи на овој натпревар: Jorquera; Montoya Cáceres, Font, Abidal, Toure, Victor Sanchez, Gudjohnsen, Pedro Rodriguez, Gai Assulin и Bojan. Играа и: José María Rueda, Jeffrén Suárez, Rubén Rochina, Jonathan Dos Santos, Keita, Pinto, Henrique, Eduard Oriol, Espasandín и Muniesa. Сега веќе верувам дека сте помалку збунети. Да, тоа е она за кое зборував во првите три реченици.

Едната мала грешка во екипата на Барса го заклучи финалниот резултат. Сепак, иако е сеуште рано, посебно поради експериментот и афирмативната промоција на сопствената кантера од страна на Пеп, може да се биде задоволен и повеќе од тоа што само како резултат изгледа. Барса прикажа одлична игра каква само се очекува да продолжи и во наредните натпревари, посебно во стартот на сезоната кога ќе „влезе„ во игра „првиот тим„. Барселона отсекогаш се потпираше на својата кантера.
Минатата година ќе биде одбележена и како екипа од која 49 фудбалери кои започнале во школата на Барса биле првотимци на европски екипи во кои преминале и го потпишале првиот професионален договор. Ова е нешто што пред многу години беше најпрепознатливо за Ајакс, кој пак сега е е трет на оваа листа.


А натпреварот Челзи-Милан (2:1) беше нешто сосем друго.

Од неколку аспекти овој натпревар вредеше да се гледа. Прво што на клупата на Челзи сега веќе е Анчелоти, човекот кој ги знае сите добри и лоши страни на екипата која пак Леонардо како нов селектор нема да може да ги смени во толку кратко време.

Челзи покажа голема стабилност во играта посебно дисциплинирана со формацијата која одлично го расштима средниот ред на Милан. 4-1-2-1-2 или во превод што би се рекло 4-4-2 (дијамант) има задача „до нога„ да ја движи топката низ целиот терен со експлозивно брза транзиција од одбрана во напад и обратно. Нешто што му недостасува на Милан. Она што беше уште повпечатливо е многу подобрената игра на Дрогба и тоа на двете позиции, и лево и десно. И првиот гол беше еден од спектакуларните моменти на овој натпревар. Од околу 25 метри, од десна страна со десна нога во левиот горен дел од стативата. Неодбранливо за Жељко Калач, па дури и за целата одбрана која беше една сосем друга епизода. Влегувањето на Шевченко (кој очигледно верува како Самсон, дека ќе си ја врати силата со својата долга коса каква ја имаше во најквалитетните години) внесе свежина и за Жирков и за Лампард. Дали ова значи „нов живот„ за Шева со новиот тренер? Ќе видиме...

А она што е карактеристика за Челзи, како епилог од натпреварот, тоа е пак сосем обратно карактеристично за Милан. Многу спора одбрана, со спора транзиција во сите фази од играта. Топката не се движи течно, напротив,оди од крајност во крајност. Или таа со многу допири и задржувања од страна на Сидорф, Пирло, Дињо и Фламини се пренесува кон слободен играч во шеснаесетникот или Одо пробува со десен удар да направи прецизен центаршут на втората статива евентуално до Пато (подоцна Јанкуловски исто само од обратната страна) или со дијагонална долга топка и прескокнување на целата средна линија се пренесува во импровизирана контра, каква е препознатлива за дел од поконзервативните англиски екипи. Влегувањето на Пипо е веќе препознатливо, без оглед што сега Леонардо е на клупата.

Со други зборови речено, екипата е потпрена на снаодливоста и квалитетот на Сидорф и Дињо (во фаза на некомплицирање) и леснотијата во брзите движења на Пато. Пипо е епизода сама за себе, која не би сакал да ја коментирам, од проста причина што со години назад е анализирана и презентирана од сите аспекти. Истото ќе биде и понатаму, веројатно...

Факт е едно, се чувствува отсуството на Кака, кое вака-така беше значајно барем во брзите транзиции... Милан со ваква игра нема да биде компетитивен во крајните фази од натпреварувањата во сезоната која за кратко и официјално ќе започне. Тоа ќе биде лекција која лесно се учи, затоа што само со затворањето на Сидорф и Дињо, лесно се прави вишок и во одбрана, а дури и два во напад. Нема да го земам предвид неснаоѓањето на Фламини и преклопувањето на Бориело, кој на моменти наликуваше како овој натпревар да му е деби.

Сепак ова се загревања и барање на вистинскиот сетап пред официјалниот старт. Но за разлика пак од нив од Челзи може оваа сезона да се очекува многу повеќе од лани, барем во натпреварите од Лигата на Шампионите и Премиер Лигата. Со Жирков кој е солиден на левата страна, без многу турбуленции во составот од лани, Анчелоти има одлични предиспозиции за успешна сезона.(Со очекување дека и Анелка ќе влезе во форма од која сега е многу далеку, а беше препознатлива изминатата сезона. Слично пак кај Милан, за очекување е новите ликови Ониеву и Абате да гледаме дали ќе се вклопат во визијата на Леонардо. Вака како што сега стартуваа, очигледно дека ќе треба многу време...)

Веројатно позначаен ќе биде натпреврот во недела (26 јули) кога ќе се сретнат градските ривали, Интер и Милан, затоа што сепак каде и да играат, овие две екипи имаат сосем друга содржина, компетитивно, физички и ментално...

9 comments:

  1. Челзи ми делува како совршен клуб за тренер како Анчелоти и тоа и се покажува и допрва ќе стане јасно дека е така. Но има едно големо прашање, како ќе успее да се носи со отсуствата на Африканските фудбалери на средина на сезоната. Нема многу засилувања и ќе биде интересно дали ќе може целиот ростер да се стави на располагање да биде на врвно ниво кога ќе биде потребно

    ReplyDelete
  2. За Милан не ми се троши муабет доста беше и премногу и оној кога се видовме. Смешка... а најсмешни ќе бидат фудбалерите кога ќе почне сезоната и кога ќе се јачаат со изјави како претходниве три сезони. трагикомично е што инзаги е оној на кј треба да се потрпе нападот

    ФИЛЕ ИСКЛУЧИ ГО КОДОТ ЗА ВЕРИФИКАЦИЈА МЕ КУРЧИ ДО НЕМАЈ КАДЕ. ај да се некој зборови нормални него треба да читам буква по буква

    ReplyDelete
  3. ...:-)))) mislam deka se ga vekje nema da te kurci :-)))) ...a deka ke bide interesno, ke bide... sto se odnesuva do Milan, Leonardo uste odma na presot rece deka ke mora da se kupat dvajca...i toa zadolzitelno ..

    ReplyDelete
  4. Se pojavi li bilo kakva euforija kaj tebe vo vrska so Ibra? I bas bi sakal da vidam pred neso da napises da postavis samo prasanje za ostanatite blogeri sto mislat za doaganjeto na Ibra vo Barca? No steta so site se otideni po odmori i nema da ima brojni komentari kako porano. Ima li voopsto nekakvi izjavi od mnogu kompetentnite strucni lica vo Barca i onie koi se od drugata struja da dadat bilo kakva izjava vo vrska so toa sto Ibra ke podobri ili odzeme od igrata na Barca?

    ReplyDelete
  5. ..Ibra (se nadevam deka ke zgresam) e edna golema gresna epiozda vo Barca...voopsto ne sum euforicen, naprotiv, mislam deka nema da go pokaze toa sto se ocekuva od nego , SEM pod eden uslov... A TOA E : AKO NEKOJ RABOTI SO NEGO NA NEGOVIOT KARAKTER ..toa znaci ako uspee da se nadmine sebe si i svoite mega ego-tripovi, da sfati deka e del od celinata a ne deka celinata e tuka za nego... togas moze i da bide se kako sto treba... kaj Ibra nema problem so negoviot kvalitet i znaenje, ima problem so negovata pozicija i zalozuvanje vo momentite na odbrana, sto veruvaj mu e najgolema maana... a toa znaci dupka vo sredinata za Barca... inaku ako toa se nadmine, mozebi i kje bide stvarno dobro.... no iskreno, tesko, barem vo startot...a ako ne uspee da se nadmine sebe si mentalno, e toa vekje kje bide golem problem... toa moze da bide i poloso od sto moze nekoj da si zamisli... no da ostaime denes prvo da sleta na LLobregat, pa da projde utre testot i vo vtornik da go vidime so dresot... ako se desi, kje imame vreme uste za muabet...

    ReplyDelete
  6. ..vekje pristignal na El Prat, vo 5 i 5...taka da muabetov kje go prodolzime... :-)

    ReplyDelete
  7. Ми прави мерак играта на Челзи на пријателскиве утакмици, иако сметам дека многу сериозен приод има Анчелоти кај пријателскиве, особено против Милан, можеби имаше посебни мотиви да победи на тој натпревар, ама чудно ми беше што првата замена ја направи после 60та минута. Жирков одигра многу добро за дебитантски натпревар, Дрогба беше добар, влегува во форма, кога е во форма можеби е и најдобар напаѓач во свет, но проблемот кај него е што многу лесно излегува од форма, играше многу променливо во досегашната кариера во Челзи. Тимот ми е идеален, составот е доста голем, нема потреба од нови засилувања.

    ReplyDelete
  8. Што се однесува до Ибра, мислам дека ќе биде големо засилување за Барса, верувам дека напаѓачкиот стил многу повеќе ќе му одговара отколку дефанзивниот фудбал во Италија и верувам дека во Примера ќе го покаже сиот свој потенцијал. Да, во Интер често беше и себичен, но во Барса нема да има потреба од тоа, ќе ги има Меси и Анри од десно и лево и мислам дека перфектно ќе функционира ова трио. Ибра е многу атрактивен фудбалер, знае да даде гол буквално на секаков начин, мислам дека за брзо време ќе ги освои и најскептичните фанови на Барса. Нормално, има и слаби точки кои верувам дека ќе ги надмине. Ова е мојата прогноза за Ибра, па ќе видиме што ќе се случува кога ќе почне сезоната. Инаку очекувам Барса да биде шампион во Примера, Реал ќе биде многу атрактивен за гледање поради фудбалерите кои ги донесе, но рано е да се каже како ќе функционира тимот бидејќи е комплетно ремонтиран. Што се однесува до Лига на Шампиони, не верувам дека Барса ќе ја одбрани титулата, навивачки посакувам Челзи да биде шампион, ама тоа е натпреварување кое е најтешко за прогноза.

    ReplyDelete
  9. File sakam da te prasam zosto si tolkav skeptik vo vrska so ibra?Zosto toj ne bi se snasol?Raka na srce toj e mnogu pogolem realizator od eto'o..Setetese samo na 100% sansi koi eto'o vo tekot na celata sezona ne gi iskoristi...promasenite penali,ne iskoristenite sansi 1 na 1 so protivni4ki golmani ...i mn drugi....A isto taka ibrahimovich mnogu bi i pomognal na barca koga e vo prasanje razbivanje na protivni4ki bunker.Bidejki e mnogu podobar vo igrata so glava,znae 4etopati da upati precizen i silen sut od 20-30m za reazlika od eto'o koj mnogu poveke se oslonuva na negovata brzina..Jas mislam deka ova i trebase na barca i deka ibra e vistinski odgovor za madridskite kaka i ronaldo.Ako ne se slozuvate so bilo sto od gorenavedenoto kazete da razmenime mislenja.

    ReplyDelete