10.4.09

ВЕЧНИОТ ГРАД . . . ВО САБОТА ВО ТРИ...

Мислев дека вечерва порано ќе си легнам и ќе дремнам малку пред пат, но не само што не ме фаќа дремка, туку ни намера немаат „очите да одморат„... Очигледно патот кој утринава ќе го фатам „под нозе„ ми прави малку повеќе емотивни бранувања отколку што очекував.

Досега, многупати имам гледано натпревари (во живо) во кои игра Лацио, што во споредба со овој во сабота и не би требало да е којзнае колку различно. Манчини, Верон, Креспо, Михајловиќ, Станковиќ, Перуци, Виери, Неста, Недвед, Салас, Мендиета, Коуто, Ди Канио, сите ќе ми останат во неверојатно позитивно доживување кое секогаш ја надминуваше границата на вообичаено воодушевување.

Но, овјопат, играта на Горан Пандев во сино-белиот дрес е дополнителна „адреналинска инекција„ на целиот настан кој со нетрпение ќе го очекувам во сабота во 15.
Самиот настан е доволен за моето задоволство да биде во зенитот на позитивните чувства, но во исто време ми отвара тема, колку сето тоа што се случува надвор од 90-те минути, понекогаш знае да фрустрира и да биде вон секоја фудбалска и навивачка логика. Единственото оправдување е финансиското.
Дали Горан Пандев и наредната сезона ќе го гледам во дресот на Лацио?

Ако се прашува тој, очигледно - да!


Ако се прашуваат навивачите во Рим, а посебно „Курва Норд„ исто така - да, да!


Ако се прашуваат македонските фудбалски симпатизери, навивачи на Лацио, тоа ќе биде уште повеќе - да!


Е па, од каде тогаш идејата дека тој скоро сигурно, на лето ќе се пресели надвор од Рим?


Одговорот е само еден, а и многу едноставен...


Ако сте менаџер на клубот, тогаш барате најчесто финансиска оправданост на одлуките кои ги носите.
Имате фудбалер кој сте го купиле многу ефтино. Одеднаш неговиот квалитет се развива и почнувате да добивате суми за откуп, кои се 10-тина , па и 20-тина пати поголеми од она кое вие сте го издвоиле како финансии. Размислувате за миг, го проверувате неговиот договор и сфаќате дека му трае уште една и пол година.

И тогаш пресметувате...ако го продадете веднаш, добивате огромна сума, со која ќе можете да купите не толку звучни имиња, но веројатно нова „свежа крв„ која ќе го достигне зенитот, наскоро. Воедно ќе заработите и за дел од платите за нив, а и дел за остатокот во клубот.


А ако не го продадете, тогаш наредната година ќе ја изгубите можноста да заработите на него, бидејќи тој ќе може да си замине, без обештетување.


А ако сакате да го задржите, сфаќате дека не само што ќе ја загубите големата понудена сума, туку ќе морате веќе да му го продолжите договорот со многу поголема нова сума - свеж капитал од клубот, кој веројатно го немате, ако не направите некој голем трансфер (продажба).


Кругот на парите си го зема својот данок... а тоа многу лесно може да се случи и во оваа наша приказна.


Горан Пандев, на лето да замине онаму каде Лотито ќе процени дека е најдобро за Лацио. А за Горан? Е па тој ќе мора сам да се избори, подоцна, за првите 11-мина во новата средина.
Без разлика дали навивачите се сложуваат, без разлика дали можеби токму на Лацио нашиот репрезентаивец наредната сезона ќе му биде пресуден, без разлика дали тоа за македонската репрезентација е важно или не, да има што повеќе минути игра, отколку клупа...

Менаџерското размислување и вистинскиот фудбал се две различни работи, посебно ако клубот не е во најдобри финансиски мигови.
За жал, тоа очигледно станува веќе задолжителна лекција од новиот светски фудбалски учебник...

Веќе се ближи времето за моето тргнување кон „Вечниот Град„... сега и дотолку повеќе сфаќам дека можеби токму ова градско дерби, во моите национални чувства ќе има многу поголем вредност отколку можеби следното... дали од наредното ќе имаме повторно македонец во Рим?


Сега сфаќам, дека веројатно токму поради ова, со нетрпение го исчекувам утрото, за да тргнам онаму каде „водат сите патишта„...

6 comments:

  1. moe licno mislenje e deka Goran Pandev ke zamine od Lazio tokmu od gorenavedenite pricini od File-zatoa sto sepak finansiite vo eden klub se mnogu vazni pa mozebi i najvazni posebno za tim kakov sto e Lazio. A inaku za Goran Pandev dokolku zamine vo gigant ke mu bide mnogu tesko za vlez vo prv tim,zatoa sto gigantite od tipot na: Inter,Barca,Milan,Real itn. Imaat najmalku po dvajca i povekje extra fudbaleri na negova pozicija. No vo sekoj slucaj sto i da se sluci mu posakuvam mnogu uspeh na nasiot najgolem fudbaler Goran Pandev i kade i da igra da prodolzi da igra na najvisoko mozno nivo.

    ReplyDelete
  2. Pandev go pokaza svojot kvalitet so gol na 130 Rimsko derbi pomegu dvata gradski rivala...i pricina plus za da ostane vo Rim...sigurno na Lazio ke mu bide tesko da se odluci da go prodade bidejki toj e inzvoreden dokazan igrac...a dokolku go prodade i da kupi novi mladi fudbaleri,pa da se dokazuvaat...a pred toa treba barem edna sezona dve da se naviknuvaat...ili bez razlika i da se veterani...dali ke najdat takov igrac kako Pandev vo klub kako Lazio sto e mnogu potesko...i dali toj ke gi zadovoluva barajnata...kako sega toa sto go pravi Pandev...a dokoku se prasuva Pandev jas mislam deka bi trebalo da ostane vo Rim...bidejki kako sto veli pogovorkana"poarno vo selo prv,namesto vo grad posleden"...istoto go napravo Quresma...vo Porto i vo Portugalija bese najdobar...no koga pojde vo Inter druga bese prikaznata...barselona povtorno si triumfira...iako so poslab sostav...Gvardiola se pokaza kako vistinsko prijatno osvezuvajne ovaa sezona...plus prednost mislam deka mnogu znaci za fudbalerite deka i toj e tuka negde na nivna vozrast,i sto mozebi trenira so niv...ovaa godina Barselona ke bide osvojuvacot na site tituli...pozdrav

    ReplyDelete
  3. Пандев,Пандев "Grande Pandev" е сигурно насловот на некој од спортските новини во Италија,Филе во Рим Пандев стрела, сепак е тоа некое доживување кое само Филе може да го опише.Горд да се кажеш Македоние.Нашата последна надеж,ГОРАН ПАНДЕВ честитки до него и Лацио.Сепак мојот став Ибрахимовиќ-Пандев би бил одличен тандем.Пандев во тимот на Мурињо.Ке се доразвие и ке прерасне во еден од 10 најдобри фудбалери.Сепак тоа е само мое мислење.А се сложувам што вика Димитар Гвардиола ја препороди Барселона,а мислам најмногу заради тоа што е каталонец и што и има играно во тимот не многу одамна.И годините се голем фактор погледнете го селекторот на Хрватската репрезентација Славен Билиќ кој не е многу постар од играчите и направи доста на Евро 2008,со Хрватска го порази тимот на Јоаким Лев,една од најсилните селекции во светот.

    ReplyDelete
  4. Според мене Пандев треба да остане во Лацио, а и да треба да биде проодаден мислам дека треба а оди во некој клуб на нивото на Лацио. Во интер нема да фати место во првите 11 бидејќи тука е Ибрахимович, Балотели, Манчини... во Баерн се Тони, Клосе, Олич, Подолски... нема шанси да биди стартр во овие екипи, а во клуб на рангот на Лацио ќе биди еден од најдобрите како што е сега во Лацио, а во поголем клуб ќе си ја уништи кариерата.

    ReplyDelete
  5. Никогаш не можеш да знаеш како ќе биде додека не пробаш кој знае можеби Пандев ќе биде најголемото изненадување можеби најголемото разочарување но додека не проба во светски клуб никогаш нема да ни ја одгатне таа тајна според мене Пандев е зрел за во голем клуб прерасна во расен играч одличен дриблер и асистент драстично ја подобри својата физичка подготвеност сега конечно е зрел искусен играч вистинска ѕвезда понекогаш во животот доколку сакаш нешто да добиеш треба да ризикуваш одлуката е на него но ако јас бев на неговата позиција би ризикувал па на крајот на краиштата тој секогаш ќе биде добредојден во Лацио по сето она што го стори за нив и доколку не му тргне секогаш ќе може да се врати во старото јато

    ReplyDelete
  6. Филе тек сеа гледам дека си бил до Рим на деербито. Јас сум фан на Лацио од дете. Член сум на повеќе стански форуми за Лацио и одлично ги познавам состојбите во клубот. Едно големо браво за тебе и твоето интервју и баш ми е зал што цели 4-5 год колку што е Пандев во Лацио не се направија повеќе интервјуа со него. Кај тебе во емисија испратив едно 3-40 пораки до сега али не ме бива многу за типување и не успеав да добијам дрес. Пандев повеќе од очигледно е дека го сака Лацио и животот во Рим и мисламд дека ќе го продолжи договорот за уште 3-4 год и дека парите нема да му бидат пресудни иако платата ќе му биде каде каде покачена. Како дел од едно интернационално друштво на љубители на Лацио би сакал да те замолам друг пат ако одиш пак до Рим ако може да му однесеш едно писмо од нас. Али ќе видиме. Инаку сакав да направам блог со форум за Лацио ама немам време, обавези факултет......

    П.с. Кази какво дерби, до сега ме држи еуфорија. Е едно запамти Филе
    A Roma c'e solo la Lazio

    п.п.с. Пандев е супер дечко и се има понудено да помогне на наши шанови на Лацио ако отиде некој во Рим.

    ReplyDelete